Бидний тухай

Бидний тухай

Бид ах дүү дөрвүүлээ. Хамгийн том нь Тэнгис, одоо 15 настай. Бид өөрсдийн сонирхолоор хичээлийнхээ хажуугаар онлайн дэлгүүрээ ажиллуулдаг. Мэдээж гэр бүлийнхэн маань бидэнд бүхий л талаар туслаж, дэмждэг.
 

Дэлгүүр нээх болсон шалтгаан

Хүүхдүүд маш олон төрлийн тоглоомоор тоглож өсдөг. Харин бидний хувьд тоглож өссөн тоглоомны бараг 90% нь дан Лего. Төрөл бүрийн баяраар, заримдаа ямар ч шалтгаангүйгээр шинээр гарсан сонирхолтой бүх л Лего сетүүдийг аав ээж, эмээ өвөө, хамаатан садныхандаа захиж гадаадаас голдуу авахуулдаг. Гэр маань яг л Лего музей шиг л байдаг.

Нэг удаа аав маань ажлаар гадагшаа яваад ирэхдээ Лего брэндийн биш хэд хэдэн сонирхолтой сетүүд авчирсан нь бидэнд маш их таалагдсан. Учир нь чанар муутай учраас бид Монголд зарагддаг хямд блокуудыг авдаггүй зөвхөн Лего брэндийн блок л авахуулдаг байлаа. Харин энэ сетүүд чанарын хувьд Лего брэндээс ялгарах зүйлгүй, хайрцаг сав, угсрах заавар гээд бүгд маш чанартай байлаа. Мэдээж хамгийн гол нь загварын санаанууд нь маш их таалагдсан.

Ингээд яагаад өөрсдийн туршиж хэрэглэж үзээд чанар сайтай байгаа гоё сетүүдийг өөр олон хүүхдэд боломжийн үнээр хүргэж болохгүй гэж бид ярилцаад дэлгүүрээ нээхээр болсон. 

Бидний амлалт

  • Бид зөвхөн өөрсдөө угсарч үзсэн, чанарыг нь шалгасан блок сетүүдийг л дэлгүүртээ худалдаална.
  • Бидний худалдаалж буй бүх сетүүд Лего болон бусад зах зээлд тэргүүлэгч блокуудтай нийцэж ажиллана.
  • Тоглоомын төрлөө байнга шинэчилж байна.
Цаашдын зорилго
Илүү олон төрлийн чанартай бүтээгдэхүүнүүдийг байж болох хамгийн хямд үнээр худалдаалж илүү олон хүүхдэд угсардаг блок тоглоомоор тоглохын ач холбогдол, сайхныг мэдрүүлэх нь бидний хамгийн гол зорилго.